SUGATANG AGILA
-edlebeRgnA-

may panahong malaya... sa kalangita'y gumagala
ngunit walang awang nilapastangan at iginapos sa kadena

ang agila...
napakaganda kung tingnan
kay sarap pagmasdan
noong panahong natatamasa pa ang kalayaan

kawawang agila...
iginapos... ikinulong... piniringan...
nagmistulang bulag, pipi at bingi...
tila mangmang na walang malay; ngunit...

bulag nga ba?
palagay ko hindi... naghihintay lang na may humalili

pipi nga ba?
malabong mangyari... mayroong boses naghihintay na marinig

bingi nga ba?
isang pagkakamali... pagkat ito'y nakikinig at mataimtim na nag-iisip

ang sugatang agila ay muling lilipad...
ngunit sa ngayon ito'y nagpapahilom ng malalim niyang sugat

magiting na agila...
aantayin ko ang araw na muli kang maghahari sa asul na kalangitan
pagkat taglay mong dugo'y magiting at matapang.